1-мактаб 5-ташаббус бўйича бажарилган ишлардан намуналар
Фарғона вилояти Данғара тумани Халқ таълими бўлими тасарруфидаги 1- умумий ўрта таълим мактабида Ўзбекистон Республикаси Президенти Ш.М.Мирзиёев раислигида 2019- йил 19- март куни «Ёшлар маънавиятини юксалтириш ва уларнинг бўш вақтини мазмунли ташкил этиш бўйича 5 та мухим ташаббус » белгилаб олинган.Ушбу ташаббуснинг биринчи йўналиши: мусиқа,адабиёт,театр ва саъатнинг бошқа турларига қизиқишларини оширишга,истеъдодини юзага чиқариш мақсадида ўқувчилар ўртасида режа асосида тадбирлар ўтказилиб келинмоқда.Мусиқа ва театр йўналиши бўйича 2020- йил 27- декабр куни "Янги йил " муносабати билан мактабнинг 7"Б" синф ўқувчилари хамкорлигида туман маданият марказида ва Катта турк маданият марказида «Симурфлар» эртаги сахналаштирилди.Рассомчилик бўйича 2020- йил 14 -январ "Ватан ҳимоячилари"куни муносабати билан ўтказилган туман тадбирида мактабнинг 6"В" синф ўқувчиси Абдужалилов Сергей «Йигит қўриқлайди Ватанни» номли расми билан қатнашиб фахрли 3-ўринни эгаллаб туман хокими С.Аминжоновнинг Фахрий ёрлиғи билан тақдирланди. Мактабнинг 9"Б" синф ўқувчиси Далиева Шахризода туманда 5 та ташаббус бўйича ўтказилган кўрик танловда саъат бўйича қатнашиб туман хотин- қизлар қўмитаси раиси М.Ғиясова томонидан Фахрий ёрлиқ бидан тақдирланди.
Иккинчи ташаббус : Ёшларни жисмоний чиниқтириш,уларнинг спорт соҳасида қобилиятини намоён қилишлари учун зарур шароитлар яратишга йўналтириш бўйича мактабнинг ўсмирлар жамоаси Умид нихоллари -2020 спорт мусобақалари«Қўл тўпи» туридан ўтказилган 2- босқич туман биринчилигида иштирок этиб фахрли 1- ўринни эгаллаганлиги учун Данғара тумани Халқ таълими бўлими мудири А.Содиқов томонидан 1-даражали ДИПЛОМ билан тақдирланди.Мактабнинг 9- "А" синф ўқувчиси Муродов Асадбек найза улоқтириш бўйича ўсмирлар ўртасида Ўзбекистон Республикаси биринчилига қатнашиб фахрли 1- ўринни эгаллади.1-даражали ДИПЛОМ билан тақдирланди.
Учинчи ташаббус:Ахоли ва ёшлар ўртасида компютер техналогиялари ва интернетдан самарали фойдаланишни ташкил этиш бўйича 2019 - йил туманда ўтказилган "Инноватцион ғоялар" кўрик танловида мактабнинг 10"А" синф ўқувчиси Зокирова Фирдавсхон ўзининг қўл мехнатида ясаган ғояси билан иштирок этиб фахрли 1- ўринни эгаллади.Тўртинчи ташшаббус:Ёшлар маънавиятини юксалтириш,улар ўртасида китобхонликни кенг тарғиб қилиш, тизимли ишларни ташкил этиш бўйича
мактабнинг 11"Б" синф ўқувчиси Ёдгоржонова Фотимахон буюк ўзбек шоири, ғазал мулкининг султони ,улуғ олим мутафаккир, давлат арбоби Мир Алишер Навоий таваллудининг 579 йиллиги муносабати билан ўтказилган «НАВОИЙ МЕРОСИ- БЕБАХО ХАЗИНА» номли танловнинг «Хамса билимдони» йўналашида ўзининг фаол иштироки билан фаҳрли 2- ўринни эгаллаганлиги учун туман хокими С.Аминжонов томонидан Фахрий ёрлиғи билан тақдирланди.2020- йил 10-декабр куни Ўзбекистон Республикаси Мадхияси қабул қилинган кун муносабати ўтказилган туман тадбирида 8"В" синф ўқувчиси Тожибоева Мухаббатхон Мадхия сўзига таъриф берганлиги учун туман хокими С.Аминжонов томонидан «Данғара истиқлолдан- истиқболгача" номли китоби билан тақдирланди.
Бешинчи йўналиш:Хотин- қизларни иш билан таъминлаш бўйича мактабда бир қатор ишлар амалга оширилди.Қизлар ўртасида ўтказилган "Зулфияхоним издошлари" танловида 4-шарт бўйича берлашиб ғолиб бўлган ўқувчилар туманда ўтказилган Қизил ярим ой жамияти томонидан ташкилланган тадбирда қатнашиб бахорий салат тайёрлаш бўйича фахрли 2- ўринни эгаллади.
